Broer, sussie verdrink in Pta

2012-12-06 14:26

Johannesburg – Twee kinders – ‘n boetie en ‘n sussie – het verdrink terwyl hulle in ‘n dam in Hercules, Pretoria, geswem het, het die polisie gesê.

Kapt. Bonginkosi Msimango sê die sesjarige meisie en haar driejarige broer was op pad na hul tannie se huis toe hulle besluit het om in die dam te gaan afkoel.

‘n Derde kind het saam met hulle geswem, maar uit die dam geklim en hulp ontbied toe hulle begin sukkel het.

Die seun het reeds gesterf toe paramedici by die toneel opgedaag het.

Lede van die soek- en reddingspan het later die meisie se lyk gevind.

Volg Nuus24 op Twitter  

- SAPA