Bredasdorp: Streng toegangsbeheer by hof

2013-02-26 10:45

Bredasdorp – Toegang tot die Bredasdorp-landdroshof is Dinsdag streng beheer voor die verskyning van Anene Booysen se vermeende moordenaars.

Slegs sekere familielede is voor die verrigtinge in die hofsaal toegelaat.

Sowat drie mediahuise en hul fotograwe is ingelaat.

Beamptes het aan die ander verslaggewers gesê hulle kan nie by die hof ingaan nie, omdat hulle nie vooraf goedkeuring ontvang het nie.

Die 17-jarige Anene is op 1 Februarie verkrag, vermink en vir dood gelaat nadat sy 'n kuierplek op die dorp besoek het. 'n Sekuriteitswag het die volgende oggend by die Asla Magwebu-bouterrein, waar sy gewerk het, op haar afgekom. Sy het dieselfde aand in die hospitaal gesterf.

Die twee mans, 21 en 22 jaar oud, is aangekla en sal aansoek doen om borgtog.

Tydens hul vorige hofverskyning op 12 Februarie het landdros Graham Cupido beslis dat hul gesigte nie in die media gewys mag word nie, omdat die staat glo dit kan sy ondersoek belemmer.

– Volg Nuus24 op Twitter

- SAPA