Brandweerlid red man van waterdood

2013-01-05 14:44

Johannesburg – 'n Man is in 'n hospitaal opgeneem ná 'n brandweerlid wat nie aan diens was nie, hom gered het toe hy besig was om te verdrink.

Die voorval het Saterdagmiddag in Broadway, Durban-Noord gebeur, het paramedici gesê.

Die brandweerlid het net betyds by die toneel aangekom om die 35-jarige man uit 'n swembad in Kensington-straat te trek, het Chris Botha, woordvoerder vir Netcare 911, gesê.

"Hy is aan 'n ventilator gekoppel en met groot vaardigheid op 'n trauma-draagbaar geplaas voor hy na 'n plaaslike hospitaal geneem is," het Botha gesê.

Dis nog nie duidelik hoe die man in die swembad beland het nie.

– Volg Nuus24 op Twitter.

- SAPA