Brandweer red fabriek in vroeë oggendure

2012-11-01 07:27

Johannesburg – 'n Aluminium- en staalherwinningsfabriek in Industria was Donderdag in die vroeë oggendure in ligte laaie, het Johannesburgse nooddienste gesê.

"Geen beserings is gerapporteer nie en die brand is onder beheer," het Robert Mulaudzi, 'n woordvoerder, om 03:30 gesê.

"Brandweerpersoneel monitor die fabriek... Die skade is nie baie erg nie want die brand is onder beheer gebring voor dit deur die hele fabriek versprei het."

Mulaudzi het gesê 'n brand het om ongeveer 01:30 in een van die stoorkamers wat gebruik word om aluminium en staal te berg, ontstaan.

Die oorsaak van die brand is nie bekend nie en sal ondersoek word, het hy bygevoeg.

– Volg Nuus24 op Twitter.

- SAPA