Brand woed in Johannesburg fabriek
2011-04-22 15:41
Johannesburg – Die brandweer het Vrydag geswoeg om ‘n brand te blus wat in die kelder van ‘n fabriek in Booysens naby Johannesburg gewoed het, het nooddienste gesê.
Volgens woordvoerder Percy Morokane was hulle bekommerd dat die 30-meter gebou moontlik in mekaar kon stort.
“Dit is die groot probleem. Ons het die stad se strukturele ingenieur laat kom om ons advies te gee,” het hy gesê.
Sowat 100 werknemers is ontruim, het hy bygevoeg.
Hulle het ligte rookinaseming opgedoen.
“Sowat 35 brandweermanne van vier brandweerstasies oor die stad het probeer om toegang tot die kelder te kry. Die gebou is in die tussentyd met water en skuim gespuit,” het Morokane gesê.
Die brand het om 09:00 begin en die oorsaak was nog onbekend.
Die fabriek, Gordon Prince, is op Kosterstraat geleë en vervaardig items soos duvets, komberse en dekens.
Die fabriek is sedert Januarie in werking.
Volg Nuus24 op Twitter
- SAPA