Brand verwoes 40 hutte
2009-12-19 03:19
Johannesburg – Ongeveer 40 hutte is verwoes toe ‘n brand deur die Dunbar-informele nedersetting, oos van Johannesburg versprei het.
“Niemand is sover as vermis aangemeld nie, en niemand van die gemeenskap is beseer nie,” het Nana Radebe, woordvoerder van die mediese dienste gesê.
Volgens haar is die brand onder beheer.
“Owerhede van rampbestuur is tans besig om skuiling vir honderde mense te vind wat hul huise in die brand verloor het.”
Die paramedici was Vrydagmiddag net na 17:00 na die toneel ontbied.
Die oorsaak van die brand is nog nie bekend nie.
- Sapa