Brand by winkelsentrum geblus
2012-01-26 20:55
Johannesburg – ‘n Verwoede brand by die Greenacres-winkelsentrum in Port Elizabeth is Donderdag geblus nadat meer as 26 winkels beskadig is, het die Nelson Mandela Baai Munisipaliteit gesê.
“Reddingswerkers is ontplooi en was binne minute op die toneel nadat ‘n noodoproep om 03:30 ontvang is,” het Kupido Baron, woordvoerder, in ‘n verklaring gesê.
“Die brand in Checkers is onder beheer gebring en die hardwerkende brandweerbeamptes het verseker dat dit nie na ander dele van die sentrum versprei nie,” het hy gesê.
Volgens Baron word ‘n saak van brandstigting deur die polisie ondersoek, weens die erge skade aan die winkels.
‘n Span forensiese ondersoekers en die munisipaliteit se brandveiligheid-eenheid het die oorsaak van die brand begin ondersoek.
Brandweerbeamptes was tot kort voor die middaguur op die toneel, het Vanessa Sabbatini, woordvoerder van die sentrum, gesê.
- Volg Nuus24 op Twitter
- SAPA