Borgtog kan premier se lewe in gevaar stel, hoor hof
2010-07-30 05:09
Durban – Zweli Mkhize, KwaZulu-Natal se premier, se lewe kan in gevaar wees as die vyf mans wat saamgesweer het om hom te vermoor, op borgtog vrygelaat word, het die magistraatshof in Pinetown Donderdag gehoor.
Die beskuldigdes kan vlug indien hulle vrygelaat word en Mkhize se lewe sal in gevaar wees, het insp. Sbusiso Zungu, ondersoekbeampte, aan die hof vertel tydens hul aansoek om borgtog.
Sizwe Mkhize, Themba Xaba, Jackson Chili, Mlungisi Xulu en Sthembiso Mthembu is in April in hegtenis geneem terwyl hul na bewering op pad was om Mkhize te vermoor.
Zungu het in die hof gesê dat al vyf mans onmiddelik die land sou verlaat indien hulle borgtog toegestaan word.
Volg Nuus24 op Twitter.
- SAPA