Bom-vrees by ambassade

2009-08-31 15:39

Wene – Polisie in die hoofstad van Oostenryk sê dit blyk of die drie verdagte voorwerpe wat buite die Suid-Afrikaanse ambassade gevind is nie plofstof bevat soos wat aanvanklik vermoed is nie.

Mario Hejl, ‘n polisiewoordvoerder, sê die voorwerpe is Maandagoggend naby die gebou se hoofingang ontdek. Twee van die voorwerpe was silindervormig en het baie na pypbomme gelyk.

Volgens Hejl het aanvanklike toetse getoon dat die voorwerpe nie plofstof bevat nie maar word verdere toetse nou deur kenners uitgevoer. Die ambassade is in die tussentyd ontruim.

Dit is nog nie bekend wie die voorwerpe buite die ambassade gelaat het nie.

 - Sapa