Boeremag: Vyf skuldig oor Mandela-komplot

2012-08-17 14:33

Pretoria – Vyf Boeremag-lede is in die Noord-Gautengse hooggeregshof skuldig bevind op aanklagte dat hulle saamgesweer het om oudpres. Nelson Mandela te vermoor.

Herman van Rooyen, die broers Johan, Kobus en Wilhelm Pretorius en Rudi Gouws, is ook skuldig bevind op aanklag van strafbare manslag nadat 'n vrou in Oktober 2002 in 'n ontploffing gesterf het, het die SABC berig.

Regter Eben Jordaan het bevind die staat kon nie bo redelike twyfel bewys dat die mans die vrou wou doodmaak nie en dus kon hulle nie skuldig bevind word op die hoofaanklag van moord nie.
 
Die regter het bevind dat dit blote toeval was dat 'n stuk van die treinspoor die vrou se huis ná die ontploffing getref het.

Die groep is onskuldig bevind op aanklag van poging tot moord.

Die res van die beskuldigdes is onskuldig bevind op aanklagte van strafbare manslag en die moordkomplot teen Mandela, omdat hulle ten tyde van die voorvalle reeds in aanhouding was.

– Lees meer hier

– Volg Nuus24 op Twitter