Boere vra Zuma om te help met droogte
2010-11-06 16:02
Johannesburg - Boere in Namakwaland het President Jacob Zuma gevra om te help met die gebrek aan hulpbronne vir droogteverligting in dié gebied, het die organisasie vir opkomende rooivleisprodusente (Nerpo) Saterdag gesê.
“Opkomende boere van Namakwaland het ‘n aansienlike hoeveelheid vee in die afgelope drie jaar verloor weens ‘n gebrek aan droogteverligtingsprogramme in die gebied,” het Nerpo se voorsitter, Aggrey Mahanjana, in ‘n verklaring gesê.
Hy het gesê Nerpo word oorval deur versoeke van boere in die gebied wat die organisasie vra om te help.
“Al ons pogings val blykbaar op dooie ore.
“Dis hoog tyd dat boere hierdie kwessie met die president bespreek sodat ‘n blywende oplossing vir hierdie probleem gevind kan word,” het Mahanjana gesê.
Ingrid Osbourne, ‘n boer, het gesê boere het bykans al hul vee weens die droogte verloor.
“Daar is niks wat die boere in Namakwaland nog nie gedoen het om die regering om hulp te vra nie.”
- Volg Nuus24 op Twitter
- SAPA