Boere help stropers aankeer
2013-01-14 17:51
'Polokwane – Die polisie in Limpopo het vier mans wat glo renosters op 'n plaas in die
Waterpoort-distrik naby Makhado vir hul horings wou doodmaak, in hegtenis geneem.
Die polisie het op 'n wenk reageer.
"Die eerste verdagte is [Sondag] gedurende 'n gesamentlike sending deur lede van misdaadintelligensie, georganiseerde misdaad en die taktiese reaksie-eenheid in hegtenis geneem ná hy na die voertuig wat deur die stropers gebruik is, teruggekeer het vir meer ammunisie," het kol. Ronel Otto gesê.
'n Verdere ondersoek het getoon dat twee stropers nog op die plaas was.
"Die mans is met die hulp van lugbystand wat deur plaaslike boere verleen is, in hegtenis geneem terwyl hulle probeer het om die plaas te verlaat."
Die vierde man, 'n werknemer op die plaas, is laat Sondagaand aangekeer. Hy is in sy kamer op die eiendom gevind.
"'n Jaggeweer, 'n byl en die voertuig wat deur die stropers gebruik is, is gekonfiskeer."
Die stropers het na bewering skote afgevuur, maar hulle het geen renosters raakgeskiet nie.
Die mans, tussen die ouderdom van 29 en 41, sal Woensdag in die rondgaande hof in Waterpoort verskyn.
– Volg Nuus24 op Twitter.
- SAPA
