Boer se operasie suksesvol ná gru-aanval

2013-01-09 10:17

Bloemfontein – Doktors wat die linkernier van 'n boer wat tydens 'n rooftog in die maag geskiet is, verwyder het, sê die operasie was ‘n reuse-sukses.

OFM berig Jannie du Plessis van Villiers in die Vrystaat se toestand is steeds kritiek, maar dat hy stabiel en buite gevaar is.

Du Plessis (64) het om sy lewe in die hospitaal geveg nadat aanvallers op hom losgebrand het, en hy byna agt uur lank saam met sy vrou, Stinnie, in hul kluis toegesluit was.

Die egpaar se oudste seun, Org, het aan Volksblad gesê die familie is verlig dat die operasie ‘n sukses was.

Niemand is nog in verband met die aanval vasgetrek nie.

Volg Nuus24 op Twitter