Boer se moordsaak uitgestel
2012-01-30 19:57
Johannesburg – ‘n Boer wat daarvan beskuldig word dat hy twee tieners geskiet het, het Maandag vlugtig in die Groblersdal-landdroshof verskyn, het die polisie in Limpopo gesê.
Een van die tieners wat hy na bewering geskiet het, het gesterf.
Pieter Swart (57) word aangekla van moord en poging tot moord nadat hy na bewering vir Alzira Mbangini (14) en ‘n 17-jarige seun geskiet het omdat hulle op sy grond visgevang het.
Swart het die seuns na die hospitaal geneem, maar Mbangini, wat in die kop geskiet is, is met sy aankoms by die hospitaal dood verklaar.
Swart is vroeër op borgtog van R5 000 vrygelaat. Hy word ook daarvan aangekla dat hy twee van sy plaaswerkers aangerand het, nadat hy na bewering sy honde op hulle losgelaat en een van hulle geklap het.
Die saak is tot 13 Maart uitgestel, het lt. kol. Ronel Otto gesê.
- Volg Nuus24 op Twitter
- SAPA