Boer deur aanvallers geskiet

2010-08-25 11:31

Buks Viljoen

Johannesburg - ‘n Plaasbestuurder van die plaas Spitskop naby Ermelo lê in ‘n bedenklike toestand in ‘n hospital in Pretoria nadat hy Dinsdagaand tydens ‘n plaasaanval gewond is.

‘n Groep van sowat agt rowers het omstreeks 19:00 op die plaas van Hein Aucamp toegeslaan.

In ‘n oor-en-weer-skietery is Aucamp in die hand en arm gewond. Aucamp se seun, Hardus, het verbete met een van die rowers geveg en het ‘n lelike bytwond aan die skouer opgedoen.

Een van die rowers is in die huis doodgeskiet.

Twee ander rowers is later deur lede van die plaaswag op Hendrina in hegtenis geneem.

Volg Nuus24 op Twitter.

- Beeld