Bielie van ’n slang het gesin op hol
2011-01-14 10:23
Stellenbosch. – Die “oupa van alle slange” is Woensdag in Caledon gevang nadat ’n Kaapse kobra ’n gesin op hol gejaag het.
Gawie Botes van die departement van korrektiewe dienste (DKD) se vrou, Ria, is ’n dagma van twee jong kinders. Die Botes-gesin se dogter, Trunelle (26), het ’n stukkie van die slang se stert gewaar toe dit in hul huis agter ’n kas ingeseil het.
Insp. Paul Olivier, bekend as Caledon se slangvanger, het gesê dit is die grootste slang wat hy al moes verwyder.
Olivier het die “kolossale slang” van tusen 1,8m en 2m die volgende dag in die natuur vrygelaat.
“Daar is ’n dammetjie in die tuin voor die huis en ek vermoed hy het water gesoek ná die hitte van die vorige paar dae,” het Botes bygevoeg.
Huise op die DKD-terrein grens aan die agterkant aan die veld. Inwoners wil nou ’n plaagbeheermaatskappy se hulp inroep om die gebied te beveilig.
Volgens Botes is dit reeds die vierde slang wat by hulle besoek aflê. In Oktober verlede jaar is nog ’n Kaapse kobra onder ’n seil op ’n komposhoop aangetref. Olivier het ook dié slang verwyder.
Volg Nuus24 op Twitter
- Die Burger