Bewerings van korrupsie by Eskom ondersoek
2011-05-23 18:20
Kaapstad – Die minister van justisie en grondwetlike ontwikkeling, Jeff Radebe, het bevestig dat ondersoeke aan die gang is om bewerings van korrupsie binne Eskom te bekyk.
Hy het op 'n vraag van die DA in parlement gesê die Spesiale Ondersoek Eenheid ondersoek verskeie sake by Eskom wat bewerings van korrupsie, bedrog en wanadministrasie insluit.
Radebe sê die ondersoeke het eers onlangs begin en geen besonderhede is in die stadium bekend nie.
– RSG
Volg Nuus24 op Twitter