Betogers op De Doorns aangekeer
2012-11-12 11:23
Johannesburg – Elf mense is vroegoggend op De Doorns in die Wes-Kaap in hegtenis geneem nadat die polisie teen betogende plaaswerkers aksie geneem het, het die polisie bevestig.
“Die situasie op De Doorns is steeds gespanne,” het kol. André Traut gesê.
Hy sê geweld het in gebied uitgebreek toe sowat 80 mense met stokke en pangas, plaaswerkers geïntimideer het en hulle gekeer het om by die werk aan te meld.
“Ons het aksie geneem,” het Traut gesê.
Hy wou nie bevestig watter metodes gebruik is nie, maar die SABC berig rubberkoeëls is afgevuur.
Altesaam tien mense is vir openbare geweld in hegtenis geneem, terwyl een betoger weens intimidasie vasgetrek is.
Betogers het verlede week die N1 in die gebied versper en wingerde aan die brand gesteek. Hulle het ‘n salarisverhoging van R150 per dag geëis. Die huidige minimum loon vir hul tipe werk, is R69,99 per dag.
The Star het vroeër berig Tina Joemat-Pettersson, minister van landbou, hou binnekort ‘n vergadering in Pretoria om die staking te bespreek.
Volg Nuus24 op Twitter
- SAPA
