Betaal jou huishulp soveel meer

2009-11-24 10:41

Johannesburg – Die minimum lone vir huiswerkers is nou verhoog met sewe persent, het die departement van arbeid Dinsdag gesê.

Dié toename is beide van toepassing op stedelike en landelike gebiede, het Virgil Seafield van die departement van arbeid gesê.

“Vanaf 1 Desember sal huiswerkers wat meer as 27 uur ‘n week werk se lone vanaf R6.88 per uur tot R7.40 per uur opgestoot word.

Of anders gestel is dit vanaf R1340.95 per maand nou op na R1442.86 per maand,” het hy gesê.

Die lone in area B, meer landelike areas, sal vanaf R5.63 per uur na R6.11 per uur verhoog word.

 –Sapa
 

Gee jou mening oor hierdie gesprek - lewer hieronder kommentaar