Bestuurder vier keer oor limiet
2010-03-30 01:42
Kaapstad – ‘n Man wie se alkoholvlak vier keer bo die wettige limiet was, is onder 88 dronbestuurders wat die naweek by padblokkades in die Kaapstad-omgewing in hegtenis geneem was, het die verkeerspolisie Maandag gesê.
Volgens Merle Lourens, ‘n woordvoerder was padblokkades in Bellville, Kraaifontein, Somerset-Wes en Kleinvlei gehou.
Die hoogste lesing was 0.98, wat vier keer meer is as die wettige limiet van 0.24mg per 1000ml asemhaling.
Lourens het ook gesê dat die polisie verlede week ‘n taxibestuurder met 54 uitstaande lasbriewe gearresteer het. Die lasbriewe is altesaam R49 650.
Hy is na die Wynberg-landdroshof geneem waar hy op borgtog van R29 000 vrygelaat is.
Die man, wat nie die borgtog kon betaal nie, word tans in Pollsmoor gevangenis aangehou.
- Sapa