Bestuurder vas maande ná tref-en-trap
2011-08-28 20:57
Johannesburg – ‘n Twee-en-twintig-jarige man is in hegtenis geneem nadat hy na bewering nie gestop het ná ‘n tref-en-trap-ongeluk op die M1-snelweg nie, het die Johannesburgse Metropolisie Sondag gesê.
Hoofsupt. Wayne Minnaar het gesê die man is Vrydagnag naby die Corlett Drive-afrit in hegtenis geneem nadat hy deur ‘n skandering-toestel wat oor ‘n databasis van gesoekte misdadigers beskik, opgemerk is.
Hy was na bewering betrokke in ‘n tref-en-trap-ongeluk wat in Junie vanjaar by die kruising tussen Corlett Drive en Louis Bothalaan plaasgevind het.
Die bestuurder van die ander motor het die nommer op sy nommerplaat neergeskryf en dit aan die polisie gerapporteer.
Die man sal Maandag in die Johannesburgse landdroshof verskyn.
- Volg Nuus24 op Twitter
- SAPA