Bestuurder uit taxi geslinger, sterf
2011-10-01 19:05
Johannesburg – Die bestuurder van 'n minibustaxi is dood toe hy Saterdag in Pretoria beheer oor sy voertuig verloor het en teen 'n sportnutsvoertuig gebots het, het paramedici gesê.
Die bestuurder is kritiek beseer toe hy uit die taxi geslinger is terwyl dit gerol het, het Vanessa Jackson, woordvoerder vir ER24, gesê.
Hy is op die toneel dood.
Die ongeluk het op die hoek van Rachel de Beer- en Paul Kruger-straat plaasgevind.
Altesaam 11 van die passassiers het geringe beserings opgedoen, en kon self uit die voertuig klim. Hulle is na hospitale in die gebied geneem.
Die bestuurder en passassier van die Honda-sportnutsvoertuig het ook geringe beserings opgedoen.
– Volg Nuus24 op Twitter.
- SAPA