Bestuurder, passasier kritiek ná motor rol
2011-11-13 14:50
Vereeniging – ‘n Man en vrou is in ‘n kritieke toestand nadat hul motor in die vroeë oggendure in Houtkopweg gerol het, het paramedici gesê.
Volgens Derrick Banks, ‘n woordvoerder vir ER24, het die vrou enkele meters van die motor gelê toe paramedici van ER24 en ander nooddienste by die ongelukstoneel opgedaag het. Sy het ‘n kopbesering opgedoen.
Banks sê paramedici het reddingsgereedskap gebruik om die man te bevry aangesien hy gedeeltelik onder die motor gelê het. Die man het ook ‘n kopbesering opgedoen en beendere gebreek.
Beide pasiënte is op die toneel gestabiliseer voordat hulle na ‘n hospitaal geneem is.
Die oorsaak van die ongeluk is nie bekend nie. Banks sê die polisie sal die ongeluk ondersoek.
Volg Nuus24 op Twitter
- Nuus24