Besluit oor myne moet 'meerderheid' bevredig

2012-07-01 23:01

Johannesburg – Belanghebbendes in die mynwese sal voortgaan om samesprekings te hou in die aanloop tot die ANC se nasionale konferensie in Mangaung in Desember, het 'n verklaring Sondag gelui.

Die Kamer van Mynwese, wat die bedryf verteenwoordig, het gesê hy het die party se beleidskonferensie, wat Vrydag tot 'n einde gekom het, fyn dopgehou.

"Ons verstaan en respekteer die feit dat die besluite van die beleidskonferensie aanbevelings is vir die nasionale konferensie wat geskeduleer is vir Desember 2012 in Mangaung," het Vusi Mabena, woordvoerder, gesê.

Die organisasie het veral belang gestel in die debat oor die moontlike nasionalisering van mynhulpbronne.

"Die kamer sal aanhou om samesprekings te voer met sy sleutel-belanghebbendes in 'n poging om insette vir die Mangaung-konferensie te bevorder wat sal lei tot finale besluite wat in die belang van die meerderheid van die land se burgers is."

– Volg Nuus24 op Twitter.

- SAPA