Besluit oor e-tolstelsel verwelkom
2012-04-28 14:14
Johannesburg – Cosatu en die DA het Saterdag die hooggeregshof se besluit om 'n dringende interdik teen die inwerkingstelling van die e-tolstelsel toe te staan, verwelkom.
"...Hierdie uitspraak maak ten minste die deur oop om hierdie... duur tolinvorderingstelsel te keer," het Neil Campbell, vervoerwoordvoerder vir die DA, Saterdag in 'n verklaring gesê.
"Ons vertrou dat al die finansiële feite gedurende die hersieningsproses... aan die lig sal kom en dat ons sal uitvind wie geld sou maak uit hierdie projek."
Zwelinzima Vavi, hoofsekretaris van Cosatu, het op Twitter gesê: "Daar is geen plaasvervanger vir beginsels en waarheid nie – geluk!!!"
Regter Bill Prinsloo het Saterdag in die hooggeregshof in Pretoria die Opposition to Urban Tolling Alliance (Outa) se aansoek om ’n dringende interdik teen die e-tolstelsel se implementering, toegestaan.
Prinsloo het gesê dat padgebruikers geen ander keuse het as om die hoofweë wat deur die stelsel geraak word, te gebruik nie, en het voorbeelde van die moontlike uitwerking van die stelsel op sekere groepe in die samelewing beklemtoon.
'n Volledige ondersoek sal volg om te bepaal of die stelsel geskrap moet word, of sal voortgaan.
– Volg Nuus24 op Twitter.
- SAPA
