Beslag gelê op R5m se perlemoen
2012-02-09 18:03
Kaapstad – Die polisie het beslag gelê op sowat R5 miljoen se perlemoen nadat ‘n vragmotor Donderdagoggend in Khayelitsha, Kaapstad, deursoek is, het die polisie in die provinsie gesê.
Die polisie het ‘n wenk ontvang dat ‘n maroen Toyota Dyna-vragmotor die perlemoen vervoer, het ao. November Filander in ‘n verklaring gesê.
Lede van die Mitchell’s Plain taktiese reaksie-eenheid het die voertuig op die N2 gesien. Hulle het die vragmotor afgetrek en deursoek.
Hulle het 5 127 perlemoene in plastieksakke gevind. ‘n Twee-en-dertig-jarige Zimbabwiese man is in hegtenis geneem. Hy sal Maandag in die Khayelitsha-landdroshof verskyn.
- Volg Nuus24 op Twitter
- SAPA