Moord op Anene: Beskuldigdes soek borgtog
2013-02-26 07:15
Johannesburg – Twee mans wat in hegtenis geneem is in verband met die verkragting van en moord op Anene Booysen van Bredasdorp sal na verwagting Dinsdag om borgtog aansoek doen.
Jonathan Davids, 22, en Johannes Kana, 21, sal in die Bredasdorp-landdroshof verskyn.
Hulle staan tereg op die verkragting van en moord op Booysen, 17. Sy is op Saterdag, 2 Februarie by die Asla-konstruksieterrein gevind, waar sy gewerk het. Sy het die vorige aand 'n klub in die dorp besoek.
Sy het baie ernstige beserings opgedoen, en is later dieselfde dag in 'n hospitaal dood.
Landdros Graham Cupido het met die beskuldigdes se vorige verskyning in die hof, op 12 Februarie, beveel dat die mans se gesigte nie in die media mag verskyn nie, omdat dit die ondersoek teen hulle kan beïnvloed.
Kana se oom het hom in 'n onderhoud as godsdienstige man met goeie vaardighede op die sportveld beskryf.
– Volg Nuus24 op Twitter.
- SAPA
