Benoni-man sit lewenslank vir verkragting, moord

2012-12-12 14:04

Johannesburg – ‘n Man van Benoni is tot lewenslange tronkstraf gevonnis nadat hy twee vroue verkrag en een van hulle vermoor het, het die polisie gesê.

Ao. Kay Makhubela sê Bennet Hobeyane (25) is Woensdag in die Vereeniging-landdroshof gevonnis.

Die man is verlede jaar in hegtenis geneem nadat hy by die vroue se huise ingebreek en hulle aangeval het.

Die hof het hom 15 jaar vir huisbraak, vier jaar vir diefstal en vyf jaar vir poging tot moord opgelê.

Hobeyane is ‘n verdere lewenslange vonnis vir moord opgelê. Hy het ook twee lewenslange vonnisse vir die twee verkragtings gekry.

Volg Nuus24 op Twitter

- SAPA