Bende skiet 5 tieners
2009-09-03 11:51
Johannesburg – Vyf tieners tussen 15 en 19 is gewond ná ’n bendeverwante skietery Woensdagaand in Athlone.
Dié mense het by die ingang van ’n gebou in Kewtown gestaan toe onbekende mans Woendagaand op hulle losgebrand het.
Insp. Ian Bennet, ’n polisiewoordvoerder, het gesê die verdagtes het verskeie skote afgevuur voor hulle te voet gevlug het.
“Die slagoffers het skietwonde aan die bene, boude, borskas en geslagsdele opgedoen.”
Vier van die beseerdes is steeds in die hospitaal en een is intussen ontslaan.
Bennet het gesê vier mense is ná dié voorval ondervra.
“Die voorval is bendeverwant en vier mense is ondervra, maar later vrygelaat.”
Die saak word ondersoek en mense met inligting kan speursers. Vusi Gwebu van die Athlone-polisiekantoor by 021 697 9238 of Stop Misdaad by 08600 10111 bel.
– Sapa