Beleggingsbeleid moet aandag kry – Cosatu

2012-09-18 16:27

Johannesburg – Beleggingsbeleid moet aangespreek word ten einde werkloosheid te hanteer, het Zwelinzima Vavi, Cosatu se sekretaris-generaal, Dinsdag gesê.

“Die privaatsektor sit met byna R1,2 biljoen in kontant wat nie belê is nie,” het Vavi aan afgevaardigdes by Cosatu se 11de nasionale kongres in Midrand, Johannesburg, gesê.

“Dit is ‘n sosiale surplus wat werkers vervaardig het en wat sakeondernemings weier om produktief te belê.”

Vavi het Cosatu se politieke verslag tydens die tweede dag van die konferensie aangebied.

‘n Swakheid van die federasie is dat daar geen veldtogte is om kapitalisme te bestry nie, as gevolg van die verskillende idees wat gevegte onder geaffilieerdes veroorsaak.

“Waar is die betoging na die JSE om te sê belê asseblief hierdie geld... Ons wil saam met julle werk om seker te maak julle belê,” het Vavi gesê.

“Waar is hierdie veldtogte?”

– Volg Nuus24 op Twitter 

- SAPA