Bekende weier om vir petrol te betaal
2011-12-06 19:56
Johannesburg – Die polisie is op soek na ‘n bekende wat na bewering geweier het om vir petrol te betaal by ‘n vulstasie in Mmabatho, het die polisie in Noordwes Dinsdag gesê.
“Die man is ‘n bekende en woon in Gauteng,” het brig. Thulani Ngubani gesê.
Die polisie kan nie die man se identiteit bekend maak nie, aangesien hy nog nie aangekla is nie.
Die man het na bewering sy motor opgevul by ‘n Caltex-vulstasie in Mmabatho, maar het geweier om die volle bedrag van R690 te betaal.
“Hy is tot Maandag kans gegee om vir die petrol te betaal, maar hy het nie,” het Ngubani gesê.
“Ons sal met die Gautengse polisie saamwerk en ons verwag om hom binnekort in hegtenis te neem.”
- Volg Nuus24 op Twitter
- SAPA