Bekende skrywer oor Zim-regime dood aangetref

2012-08-12 07:50

Johannesburg – Die polisie sê die skrywer Heidi Holland, wat ondermeer die outobiografie van Zimbabwe se president Robert Mugabe geskryf het, is dood in haar huis aangetref.

Lt.kol. Katlego Mogale sê ‘n tuinier het Holland se liggaam by haar huis in Mellville, Johannesburg gekry. Sy was 64.

Mogale sê dit blyk of Holland selfmoord gepleeg het en dat daar geen tekens van gemene spel of diefstal was nie.

Holland het in 2008 die boek Dinner with Mugabe geskryf, wat onderhoude met familie-lede en vriende van Mugabe ingesluit het. Die boek sluit ook Holland se onderhoude met Mugabe self in.

Holland was ‘n vryskut-joernalis en het ‘n rubriek vir The Star geskryf.

Sy het ook onlangs ‘n boek oor die ANC geskryf, getiteld 100 Years of Struggle – Mandela's ANC.

– Volg Nuus24 op Twitter
 

- AP