Bejaarde vrou rand glo metropolisielid aan
2010-05-01 21:18
Johannesburg - 'n Sestigjarige vrou is in Rosebank, noord van Johannesburg in hegtenis geneem nadat sy glo 'n metro-polisiebeampte geklap het, het die Johannesburgse metropolisie Saterdag gesê.
Volgens hoof supt. Wayne Minnaar, 'n woordvoerder, is die bejaarde vrou Vrydagaand tydens 'n padblokkade in Rosebank van die pad afgetrek.
Toe 'n vroulike beampte haar vra om 'n alkoholtoets te doen, het sy die beampte geklap en gesê sy is nie dronk nie.
Die vrou sal na verwagting Maandag in die Johannesburgse landdroshof verskyn.
Sy is een van nege bestuurders wat vir dronkbestuur in Sandton en Rosebank gearresteer is, het Minnaar gesê.
- Sapa