Bejaarde vrou deur drie mans beroof

2012-07-27 19:21

Johanneburg – ’n Bejaarde vrou is Vrydagoggend in die Generaal de Wet-omgewing in Bloemfontein beroof.

Kapt. Chaka Marope sê die 82-jarige vrou was besig om in die huis te werk toe drie mans met messe haar voorkeer.

"Die verdagtes het haar gedreig en die huis geplunder op soek na waardevolle besittings. Die rowers het juweliersware, ’n selfoon en ’n digitale kamera gesteel."

Die rowers het deur 'n oop venster geklim en die vrou se skoonseun het die polisie ontbied na die rooftog. Geen arrestasies is tot dusvêr gemaak nie.

– Volg Nuus24 op Twitter.