Bejaarde sterf in brand

2010-08-25 22:16

Die huis waarin 'n bejaarde man doodgebrand het (Netvare 911).

Johannesburg – ‘n Bejaarde man is dood en sy vrou is ernstig beseer nadat ‘n brand Woensdagmiddag by hul huis uitgebreek het, het paramedici in Durban gesê.

Met paramedici se aankoms op die toneel het die brand erg gewoed by die huis in Avocarylaan in Effingham, maar die oorsaak van die brand was nie bekend nie, het Netcare 911-woordvoerder Jeff Wicks gesê.

Die vrou is deur brandweermanne uit die vlamme gered, maar haar 72-jarige man kon nie gered word nie.

Die vrou is na ‘n nabygeleë hospitaal geneem.

Die brand is in die tussentyd geblus en brandweermanne en die polisie het met ‘n soektog begin om die man se lyk op te spoor.

Volg Nuus24 op Twitter

 

- SAPA

Gee jou mening oor hierdie gesprek - lewer hieronder kommentaar