Bejaarde se moordenaar kry lewenslank
2011-05-13 20:11
Johannesburg – Die moordenaar van ‘n 83-jarige pensionaris
wat in 2007 in haar huis in Lyttleton verkrag en doodgeslaan is, het
lewenslange tronkstraf gekry.
Collern Selby Monareng (37) van Tembisa is
daarvan skuldig bevind dat hy Ines Christina Maree in haar huis in Lyttleton
verkrag en toe doodgemaak het.
Regter Vivien Tlhapi het Monareng twee keer
met lewenslange tronkstraf gevonnis vir die moord en verkragting van Maree.
Monareng het ook ‘n vonnis van 15 jaar vir
diefstal gekry.
Hy het die bejaarde slagoffer se ketel, klere
en ‘n bottel sjampanje gesteel.
Volg Nuus24 op Twitter.
- SAPA