Bejaarde paartjie vermoor
2010-12-08 14:35
Durban - ‘n Bejaarde paartjie is by hul huis deur hul bure, wat onraad vermoed het, in Nongoma, Kwazulu-Natal, aangetref waar hulle doodgeskiet is.
“’n 82-jarige man en sy 64-jarige vrou is dood in hul huis in Nongoma aangetref. Hulle is binne-in die huis geskiet,” het lt. kol. Vincent Mdunge gesê.
Die rede vir die aanval Dinsdag is nie bekend nie. Die polisie het Woensdag twee mans in verband met die aanval in hegtenis geneem.
- Volg Nuus24 op Twitter
- SAPA