Bejaarde beseer toe hek op haar val
2010-10-26 23:17
Johannesburg – ‘n 72-jarige vrou is ernstig beseer toe ‘n reuse-hek in Troyeville bo-op haar geval het, het paramedici in Johannesburg Dinsdag bekend gemaak.
“Dit is onduidelik wat daartoe gelei het dat die hek omgeval het. Sy het egter heeltemal onder die hek gelê met paramedici se aankoms op die toneel,” het Derrick Banks, ER24-woordvoerder, gesê.
Werkers by ‘n naby geleë fabriek het paramedici gehelp om die hek op te lig.
Die vrou is na die Milpark-hospitaal gehaas vir verdere mediese behandeling. Sy het glo beserings aan haar been, pelvis en rug opgedoen.
Volg Nuus24 op Twitter.
- SAPA