Bedrogspul teiken Mandela-stigting
2009-09-14 14:13
Johannesburg - Die Nelson Mandela-stigting en die Fifa-organiseringskomitee is in ’n vals lotery op die internet betrek.
’n E-pos doen die ronde wat ’n prys van honderde duisende rande belowe in ’n kompetisie wat glo deur die Mandela-stigting en die plaaslike reëlingskomitee vir die Wêreldbeker-sokkertoernooi geloods is.
Die Nelson Mandela-stigting het Maandag beaam dat die lotery nie bestaan nie.
Die organisasie het in Februarie en Mei soortgelyke verklarings uitgereik oor die e-pos, wat al ’n geruime tyd op die web sirkuleer.
Die e-pos, getiteld "2010 World Cup Lottery Draw Notice", verskyn sedert Januarie in e-pos rekeninge reg oor die land.
Die vals e-pos, wat ook ’n registrasienommer en adres vir die stigting bevat, lees:
"Dear Winner,
This is to inform you that the Nelson Mandela Foundation and the Local Organising Committee (LOC) of the
2010 FIFA World Cup, here in South Africa, has held an Internet Raffle Draw, and your e-mail address was among the 2010 e-mail addresses that was picked through the computer ballot system.
"We therefore with great pleasure, notify you that your e-mail address happened to come out top number (1) out of the 2010 e-mail addresses, on the final ballot draw, and this had made you the jackpot winner of the sum of US$850,000.00 (eight hundred and fifty thousand United States Dollars).
"Be aware that this raffle draw was organised by the Nelson Mandela Foundation and the Local Organising Committee (LOC) of the 2010 World Cup, to create awareness for the World Cup, as South Africa is finalising their preparation for the hosting of the 2010 World Cup.
"Below are your winning details..."
Die vals e-pos noem Ou Mutual versekeraars en Standard Bank as borge van die lotery.
Die stigting se webwerf, www.nelsonmandela.org, bevat verdere informasie oor hierdie en soortgelyke pogings tot bedrog waarby die stigting betrek is.
- Sapa