Barbie 'het keuses uitgeoefen'
2009-08-28 16:02
Pretoria - Cezanne Visser, oftewel adv. Barbie, wat daarvan beskuldig word dat sy saam met haar geliefde, Dirk Prinsloo, jong meisies seksueel mishandel het, sal tot Oktober toe moet wag om haar lot te hoor.
Regter Chris Eksteen het Vrydag haar saak tot die 6de Oktober uitgestel nadat die staat én die verdediging hul saak gestel het.
Johan Engelbrecht, SC, van die verdediging, het aangevoer dat Visser nie vir die 14 aanklagtes teen haar skuldig bevind kan word nie aangesien Prinsloo haar sò gemanipuleer het en dat sy dus nie ‘n wil van haar eie gehad het nie.
Die aanklaer, Andre Fourie, het egter geredeneer dat Visser twee grade in die regslui het en heeltemal bewus was van wat reg en verkeerd was.
Hy het aangevoer dat sy ten alle tye haar vrye wil uitgeoefen het.
Visser staan onder andere tereg op klagtes van verkragting, bedrog en seks voor minderjarige kinders.
Beide Engelbrecht en Fourie het hul argumente op Jonathan Scholtz, die hoof van kliniese sielkunde by Weskoppies, se getuienis gebaseer.
Engelbrecht het gesé dat Visser níé haar vrye wil uitgeoefen het nie, maar dat sy gedwing was deur Prinsloo om sekere keuses te maak.
Dit het ooreengestem met Scholtz se getuienis dat Visser totaal en al haar wil met dié van Prinsloo vereenselwig het.
Volgens hom kon sy dink, maar nie baie diep nie.
Dit het niks met haar formele opvoedkunde uit te waai nie, het hy bybgevoeg.
Wat wél ‘n beduidende rol gespeel het, was die feit dat sy weerloos was en day hy wat Prinsloo is, dit teen haar gebruik het.
Fourie het egter geargumenteer dat Scholtz nooit gesê het dat Visser nie tussen reg en verkeerd kon onderskei nie, maar bloot dat sy minder verantwoordelik vir haar aksies was.
Hy het daarop aangedring dat Visser haar eie besluite toegepas het.
- Sapa