Bankroof in Witbank gefnuik
2011-08-09 16:55
Johannesburg – Drie mans is in Witbank in Mpumalanga in hegtenis geneem nadat hulle Dinsdagoggend probeer het om 'n bank te beroof.
Die drie verdagtes, waaronder 'n polisielid van die Witbankpolisiekantoor, het by die Standardbank in Klipfontein ingebreek.
'n Polisiewoordvoerder, Leonard Hlathi sê die bank se alarm het afgegaan en sekerheidswagte het die verdagtes betrap en die toneel beveilig.
Intussen het die polisie 'n onbekende bedrag kontant teruggevind wat deur die mans gesteel is.
Hlathi sê die verdagtes kon slegs muntstukke steel. Hulle kon nie daarin slaag om die kluis oop te breek nie.
Hy sê die polisie het beslaggelê op die toerusting wat die verdagtes gebruik het om toegang tot die bank te kry.
Volg Nuus24 op Twitter.
- SAPA