Bakkie ry plaaswerker op fiets dood

2012-09-13 08:20

Johannesburg – ‘n Fietsryer het gesterf nadat ‘n bakkie hom op die N8 buite Bloemfontein raakgery het, het Vrystaatse paramedici gesê.

Derrick Banks, ‘n woordvoerder vir ER24, sê die ongeluk het Woensdag omstreeks 18:00 plaasgevind.

Banks sê die man was vermoedelik ‘n plaaswerker wat op pad huis toe was. Die fietsryer was in sy 30’s.

“Hy het noodlottige beserings opgedoen en is op die toneel dood verklaar.”

Volgens die woordvoerder het die bestuurder van die bakkie geen beserings opgedoen nie.

Volg Nuus24 op Twitter 

- SAPA