Babamelk-formule gesteel, onveilig
2009-11-23 18:39
Johannesburg - Nestlé Suid-Afrika kan nie meer die kwaliteit en die veiligheid van hul babamelk-formule waarborg nie, het ’n woordvoerder Maandag gesê.
Dit volg nadat ’n groot aantal van hul produkte vanuit hul fabriek in Harrismith gesteel is.
"Weens die feit dat dié produkte Nestlé se streng kontrolering en wakende oog verlaat het, kan die onderneming nie meer die kwaliteit en veiligheid daarvan waarborg nie en vra dat die produkte om veiligheidsredes nie ingeneem moet word nie,” het Ravi Pillay gesê.
Nestlé is tans in noue samewerking met die Suid-Afrikaanse polisie om die produkte so gou moontlik terug te kry en van winkelrakke te verwyder.
Die produkte sluit in Nan, Pelargon en Lactogen.
“Die produkte is beperk tot Harrismith en omliggende dele. Sommige oortreders is reeds in hegtenis geneem. Die produkte sal meestal in die informele sektor verkoop word,” het hy gesê.
Nestlé het sekuriteit ná dié voorval opgeskerp om nóg so 'n voorval te voorkom.
-Sapa