Babadief se saak uitgestel
2009-08-27 15:44
Johannesburg – Die saak van ‘n vrou wat daarvan beskuldig word dat sy ‘n 14-dae oue baba ontvoer het, is uitgestel.
Sy sal volgens die Wes-Kaapse polisie weer die 3de September in die landdroshof in Bellville verskyn.
“Die saak is as gevolg van borgtogredes tot September uitgestel. Sy sal in aanhouding bly tot dan,” het kaptein Bernadine Steyn gesê.
Bulelwa Xeza (31) is Woensdag by haar huis in Emfeleni in hegtenis geneem.
Polisie het baba BZ Ncumani by haar in die huis gevind.
Die baba is die 24ste Julie uit ‘n kot in die Tygerberg Hospitaal ontvoer terwyl die ma in ‘n koma was.
- Sapa