Bababottels wat kanker veroorsaak steeds gebruik

2011-11-12 19:28

Johannesburg – Die Kankervereniging van Suid-Afrika (Kansa) het Saterdag gesê miljoene bababottels wat dalk kanker kan veroorsaak word steeds regoor die land gebruik.

In Oktober het nuwe wetgewing die invoer, verspreiding en vervaardiging van bababottels gemaak van polikarbonaat onwettig gemaak.

Die bottels bevat ‘n sintetiese hormoon wat babas se ontwikkeling kan strem en tot kanker kan lei.

“Baie mense het nog nie van die probleem gehoor nie en ons verwag dit sal tyd neem,” het Carl Albrecht van Kansa gesê.

– Lees meer hier.

– Volg Nuus24 op Twitter.