Baba wreed mishandel
2010-02-08 10:27
Kaapstad – ‘n Agt maande oue seuntjie is gered ná hy tussen vuil skottelgoed, elektriese kabels en vuil doeke moes oorleef.
Gerugte oor die omstandighede waarin die baba moes leef het in sy gemeenskap die ronde gedoen, maar dit was uiteindelik ‘n baba-oppasser wat die baba uit dié gemors gered, na ‘n hospitaal geneem, en ‘n saak teen die ouers geopen het.
‘n Dokter by die Olivedale-kliniek het meer as 10 breuke aan die kind ontdek, sowel as gebreekte ribbes, breuke aan sy elmboë, ‘n gewrig en ‘n enkel. Daar was glo ook sigaret-brandmerke onder sy voete, sowel as rooi sere op sy wang en voorkop.
Die Randburgse polisie het op dieselfde dag by die paartjie se huis in Paulshof opgedaag en hulle in hegtenis geneem.
Lees die volle storie by iol