Baba sterf in taxi-ongeluk

2012-05-27 21:00

Johannesburg – ‘n Babameisie het Sondag gesterf en nege mense is beseer toe ‘n minibus-taxi teen ‘n wal af gery en teen bome gebots het by die N3 naby Richmond in KwaZulu-Natal, het paramedici gesê.

“Die taxibestuurder het vermoedelik beheer oor die voertuig verloor. Dit het die voertuig teen die wal af laat beweeg en teen die bome laat bots,” het Vanessa Jackson, woordvoerder van ER24, gesê.

Die baba was waarskynlik op haar ma se skoot toe die ongeluk gebeur het. Die baba is op die toneel dood verklaar. Die ma het in die voorste passasiersitplek gesit.

Die ma moes deur reddingsdienste uit die taxi gesny word. Sy is ernstig beseer, het Jackson gesê.

Sy is na die King Edwards-hospitaal geneem vir verdere mediese sorg.

Agt ander mense is deur reddingsdienste uit die wrak gehelp. Ses van hulle is na die RK Khans-hospitaal geneem deur paramedici. Die oorblywende twee passasiers het die toneel in privaat-voertuie verlaat.

Die polisie stel ondersoek in, het Jackson gesê.

- Volg Nuus24 op Twitter
 

- SAPA