Baba sterf in botsing
2010-05-15 05:30
Johannesburg - 'n Baba is dood en vier ander mense beseer ná hulle in 'n ongeluk tussen 'n motor en 'n bakkie betrokke was.
Die ongeluk het Vrydagaand op die N8 tussen Westminister en Marseilles plaasgevind, het Vanessa Jackson, 'n woordvoerder van ER24, gesê.
Die bestuurder van die motor, 'n Volkswagen Jetta, en 'n vroulike passasier is in 'n kritieke toestand in die hospitaal en die baba is op slag dood.
Nooddienswerkers moes reddingskake gebruik om die bestuurder van die bakkie uit die wrak te bevry.
Hoewel die oorsaak van die ongeluk nog onbekend is, meen ooggetuies dié voertuie het trompop gebots.
Al die beseerdes is na nabye hospitale geneem.
– Sapa
Volg Nuus24 op Twitter