Baba kritiek ná brand uitbreek
2010-07-28 19:02
Kaapstad – ‘n Tien maande oue baba veg om sy lewe in die Tembisa-hospitaal nadat hy 70% brandwonde opgedoen het.
Die kind het glo die brandwonde gekry toe ‘n brand Woensdagoggend in hul informele nedersetting in die Bronkhorstspruit-area uitgebreek het, het Chris Botha, Netcare 911-woordvoerder, gesê.
Die baba wat kritiek gebrand is, is na die Netcare Bronkhorstspruit-hospitaal gejaag en toe per helikopter na ‘n eenheid vir brandwonde geneem.
Nadat dokters en paramedici die baba gestabiliseer het, is hy na die Tembisa-hospitaal geneem vir verdere mediese behandeling.
- Nuus24
Volg Nuus24 op Twitter.
- SAPA