Baba in ernstige toestand ná sy in motor gelos is
2012-11-07 18:00
Johannesburg – Die polisie in Springs, Ekurhuleni, het 'n vier maande oue baba uit 'n motor wat in die son geparkeer was, gered, het paramedici Woensdag gesê.
'n Verbyganger het die baba in die motor opgemerk en die polisie gebel, het 'n woordvoerder vir Netcare911, Chris Botha, gesê.
"[Hulle] moes die venster breek om die kind uit te kry," het Botha gesê.
Die nooddienste is ingeroep en paramedici het die baba in 'n ernstige toestand weens die erge hitte gevind.
"Nadat ons die kind rehidreer het, het ons haar na 'n nabygeleë hospitaal geneem.
'n Woordvoerder vir die polisie, Johannes Ramphora, het gesê die ma van die kind is in hegtenis geneem en sal aangekla word van kinderverwaarlosing.
Volg Nuus24 op Twitter.
- SAPA
